Манчестер, 26 декември 2024 (МИА) - Дефанзивецот на Манчестер Сити, Мануел Аканџи призна дека „граѓаните“ во моментов тешко можат да бидат претенденти за титулата во Англија.

Избраниците на Пеп Гвардиола забележаа уште еден разочарувачки резултат откако на домашен терен одиграа нерешено 1-1 против Евертон.

-Мислам дека создадовме многу шанси за гол, но за жал не можевме да реализираме. Во исто време примивме гол од никаде. Можевме да постигнеме најмалку три или четири гола денес, но тоа не се случи. Ќе бидам искрен, во последната минута можевме и да го загубиме натпреварот, сподели Аканџи.

За надежите на Сити за титулата, тој одговори: „Сезоната не е завршена, но титулата не е цел за нас во моментов. Мораме да се фокусираме натпревар по натпревар, а следниот е против Лестер Сити, што нема да биде ни лесно, ако ја имаме во предвид формата во која се наоѓаме“. дс

Фото: Архива