Zjarre të mëdha në Izmir, evakuohen banorë të dy lagjeve
- Zjarre të mëdha shpërthyen përsëri sot në qarkun turk të Izmirit, ku janë evakuuar banorët e dy lagjeve, njoftoi televizioni shtetëror turk TRT-Haber.
- Post By Fami Bajrami
- 18:44, 31 korrik, 2024
![Zjarre të mëdha në Izmir, evakuohen banorë të dy lagjeve](https://new.mia.mk/images/20240731183304_big_730x400_13.webp )
Izmir, 31 korrik 2024 (MIA) - Zjarre të mëdha shpërthyen përsëri sot në qarkun turk të Izmirit, ku janë evakuuar banorët e dy lagjeve, njoftoi televizioni shtetëror turk TRT-Haber.
Për shkaqe të panjohura një zjarr pyjor ka shpërthyer në zonën e qytetit Urla. Ndërsa flakët u përhapën në një zonë banimi, njerëzit është dashur të evakuohen nga gjithsej 120 shtëpi në dy lagje.
Në përpjekjet për shuarjen e zjarreve janë përfshirë nëntë aeroplanë kundër zjarreve dhe nëntë helikopterë kundër zjarreve si dhe dhjetëra automjete zjarrfikëse.
Një zjarr ka shpërthyer ditën e sotme edhe në afërsi të resortit në Çeshme. Zjarrfikësit po përpiqen të shuajnë flakët me tre aeroplanë dhe disa makina zjarrfikëse.
Dy javë më parë, zjarret e fuqishme bënë që aeroporti pranë Izmirit të ndërpriste dy herë punën. rq/
Foto: arkivi i MIA-s