Lil, 2 korrik 2025 (MIA) – Sulmuesi francez Olivie Zhiru ka nënshkruar kontratë me skuadrën e Lilit, njoftoi sot klubi i Ligës 1.

Kontrata me francezin 38-vjeçar është e vlefshme deri në qershor të vitit 2026, por ekziston opsioni për ta zgjatur bashkëpunimin edhe për një sezon tjetër.

Zhiru kthehet në kampionatin francez pasi u largua nga Montpelje në vitin 2012 dhe nënshkroi kontratë gjashtëvjeçare me Arsenalin.

Francezi me përvojë fitoi më pas Ligën e kampionëve dhe Ligën e Evropës me Çellsin, përpara se të fitonte edhe titullin në Seria A me Milanin.

Më 28 qershor, klubi i Premier ligës amerikane, Los Anxhelos njoftoi se ndërpret kontratën me Zhirun i cili luajti në ligën MLS që nga vera e vitit 2024 dhe shënoi pesë gola në 37 ndeshje.

FOTO: EPA