Arlington, 16 nëntor 2024 (MIA) - Ish kampioni i botës në boks në peshat e rënda, Majk Tajson ndau emocionet e tij pas humbjes në përballjen me blogerin Xhejk Pol mbrëmë në Arlington (Teksas, SHBA).

Lufta kishte një status zyrtar dhe zgjati tetë raunde. Njëzet e shtatë vjeçari Pol fitoi me vendim unanim (80:72, 79:73, 79:73).

"Nuk jam i habitur nga kjo që ka ndodhur, thjesht jam i kënaqur që arrita të luftoj. Pol është një luftëtar i mirë. A është ky fundi i karrierës? Kjo varet nga situata. Mendoj se kjo nuk është lufta ime e fundit", ka thënë Tajsoni pas duelit.

Boksieri pesëdhjetë e tetë vjeçar pësoi humbjen e shtatë në 57 paraqitje në ring gjatë karrierës së tij profesionale.

Foto: EPA