Laranka, 2 mars 2026 (MIA) - Takimi i ministrave për çështjet evropiane të vendeve anëtare, i cili ishte planifikuar të zhvillohej sot dhe nesër në Qipro, është anuluar për shkak të sulmit me dron në bazën britanike të Akrotirit në ishull, publikoi presidenca e Qipros. 

"Në orët e para të mëngjesit të sotëm, patëm një incident të vetëm, të izoluar, me një dron që synonte bazën britanike në Akrotiri të Qipros, me dëme të kufizuara. Origjina e saktë e dronit po verifikohet aktualisht, por është konfirmuar se Republika e Qipros nuk ishte objektivi i sulmit", publikoi zëdhënësja e presidencës së Qipros.

Duke pasur parasysh këtë zhvillim të papritur të ngjarjeve, i cili për fat të keq ndikoi në fluturimet e sotme për në Qipro, presidenca e Qipros ka vendosur ta anulojë takimin joformal të Këshillit për çështje të përgjithshme për një datë të mëvonshme.

Këshilli për çështje të përgjithshme, i cili përbëhet nga ministrat për çështje evropiane të shteteve anëtare, do të diskutonte propozimin për një buxhet shumëvjeçar për periudhën 2028-2034, luftën kundër manipulimit të informacionit dhe përfshirjes së vendeve të treta dhe zgjerimin e BE-së.

Në takim ministrat u ftuan nga vendet kandidate. 

Qiproja, e cila ishte koloni britanike deri në vitin 1960, ekzistojnë dy baza - Akrotiri dhe Dekelia - të cilat kanë statusin e territoreve britanike përtej detit. Këto dy baza u mbajtën nga britanikët sipas marrëveshjes së pavarësisë së Qipros të vitit 1960. rq/

Foto: arkivi i MIA-s