Ohër, 18 korrik 2023 (MIA) - Struga Trim dhe Lum ka pësuar humbje nga Zhalgirisi me rezultatin 1:2 në raundin e parë kualifikues të Ligës së kampionëve. 

Nikoqirët ishin afër kualifikimit në raundin e dytë, kishte rezultat pozitiv deri në 15 minuta para përfundimit, por shumë shpejtë pranuan dy gola për një përmbysje të plotë të rezultatit. 

Në ndeshjen e zhvilluar sot pasdite në QSR “Biljanini Izvori” në Ohër në mot shumë të nxehtë, Besart Ibrahimi në minutën e 76-të nga penaltia solli epërsi për struganët. Pas vetëm dy minutave, Juri Kendish e barazoi rezultatin. Deri në fitore ekipi lituanez arriti me autogolin e Sava Radiqit në minutën e 84-të.

Ndeshja e parë e luajtur në Kaunas përfundoi baraz 0:0, kështu që Zhalgiris me një total 2:1 shkon në përballje me Galatasarajin, ndërsa Struga shkon në raundin e dytë kualifikues në Ligën e Konferencave, ku do të përballet me ekipin e Buduqnostit (Mali i Zi). qa/bsh/