Stoltenberg e miraton ofensivën ukrainase në Rusi, pretendon se NATO nuk merr pjesë dhe nuk e ka planifikuar atë
- Sekretari i Përgjithshëm i NATO-s, Jens Stoltenberg, deklaroi se e miraton ofensivën e Ukrainës në rajonin Kursk të Rusisë, duke përmendur të drejtën e Kievit për t'u mbrojtur.
![Stoltenberg e miraton ofensivën ukrainase në Rusi, pretendon se NATO nuk merr pjesë dhe nuk e ka planifikuar atë](https://new.mia.mk/images/20240831111623_big_730x400_43.webp )
Berlin, 31 gusht 2024 (MIA) - Sekretari i Përgjithshëm i NATO-s, Jens Stoltenberg, deklaroi se e miraton ofensivën e Ukrainës në rajonin Kursk të Rusisë, duke përmendur të drejtën e Kievit për t'u mbrojtur.
"Ushtarët rusë, tanket dhe bazat ushtarake janë objektiva legjitime sipas ligjit ndërkombëtar", tha Stoltenberg për gazetën gjermane "Die Velt".
E drejta e vetëmbrojtjes së Ukrainës, e cila u sulmua nga Rusia më shumë se 900 ditë më parë, "nuk ndalet në kufi", thotë Sekretari i Përgjithshëm i NATO-s.
Sipas tij, kundërofensiva e Ukrainës nuk ishte planifikuar me NATO-n dhe Aleanca nuk ka asnjë rol.
“Megjithatë, NATO do të vazhdojë të mbështesë Ukrainën duke furnizuar armë dhe pajisje me rëndësi jetike për të parandaluar pushtimin rus”, shtoi Stoltenberg. ls/
Foto: Arkivi i MIA-s