SHBA-ja e akuzon Venezuelën për manipulim zgjedhor lidhur me fitoren e Maduros
- Qeveria e presidentit amerikan Xho Bajden e akuon Venezuelën për manipulim zgjedhor dhe represion dhe tha se pretendimi i Karakasit se presidenti Nikolas Maduro kishte fituar një mandat të tretë është privuar nga "çdo kredibilitet".
- Post By Qefsere Abduli
- 07:45, 30 korrik, 2024
![SHBA-ja e akuzon Venezuelën për manipulim zgjedhor lidhur me fitoren e Maduros](https://new.mia.mk/images/20240730073723_big_730x400_52.webp )
Uashington, 30 korrik 2024 (MIA) - Qeveria e presidentit amerikan Xho Bajden e akuzon Venezuelën për manipulim zgjedhor dhe represion dhe tha se pretendimi i Karakasit se presidenti Nikolas Maduro kishte fituar një mandat të tretë është privuar nga "çdo kredibilitet".
Përfaqësuesit e administratës së Bajdenit, të cilët biseduan me gazetarët lidhur me votimin me kusht që të mbeten anonim, nuk njoftuan masa të reja ndëshkuese, por e lanë derën hapur për sanksione të mëtejshme, duke theksuar se politikën e tyre të sanksioneve do ta përshtatin me aktivitetet e ndërmarra nga qeveria Maduro.
"Me angazhimin në shtypje dhe manipulim elektoral dhe me shpalljen e një fituesi pa rezultate të detajuar të votimit sipas zonave elektorale, zyrtarët e Maduros e kanë privuar atë nga çdo besueshmëri në rezultatet e supozuara të votimit që ata shpallën", deklaroi zyrtari i lartë nga administrata e presidentit për gaztarët nga SHBA-ja. qa/
Foto: EPA