Liverpull, 26 dhjetor 2024 (MIA) - Futbollisti egjiptian i Liverpullit, Mohamed Salah, u sulmua nga tifozët pasi publikoi një fotografi familjare para një peme të Krishtlindjes.

Futbollisti tridhjetë e dy vjeçar është mysliman, ndërsa në traditën islame nuk është zakon të festohen Krishtlindjet. Në komentet e fotografisë, shumë përdorues të internetit kanë kritikuar Salahin, duke e quajtur, ndër të tjera tradhtar të fesë së tij.

Salah luan për Liverpullin që nga viti 2017. Më herët u publikua se lojtari është afër vazhdimit të kontratës me klubin anglez deri në vitin 2027.

Këtë sezonë sulmuesi luajti 24 ndeshje për Liverpullin në të gjitha turnet, në të cilat shënoi 18 gola dhe 15 asistime. ls/

Foto: Fejsbuk