Moskë, 3 tetor 2025 (MIA) – Presidenti rus Vladimir Putin dje u zotua për planin paqësor të presidentit të SHBA-së, Donald Tramp, për Lindjen e Mesme. 

Elementi më i rëndësishëm i marrëveshjes paqësore në rajon mbetet zgjidhja për dy shtete ndërmjet Izraelit dhe Palestinës, theksoi Putini në Soçi në një ngjarje në klubin politik Valdaj. Megjithatë, ai është i gatshëm t’i japë mundësi modelit të Trampit, tha ai. 

“Ish kryeministri britanik Toni Bler, i cili ishte emëruar anëtar i trupit të përkohshëm ndërkombëtar për monitorim për Gazën, ndoshta nuk është i njohur si engjëll mbrojtës i paqes, por është politikan me përvojë”, vlerësoi presidenti rus. 

Është me rëndësi që edhe Izraeli dhe Administrata palestineze dhe organizata palestineze Hamas u pajtuan me zgjidhjen, shtoi ai. 

Trampi propozoi armëpushim në Rripin e Gazës si pjesë e planit paqësor prej 20 pikave të cilin e prezantoi në Uashington para pesë ditëve. 

Plani përfshin çarmatosje të plotë të Hamasit dhe lirim urgjent të të gjitha pengjeve të tjera izraelite të cilët i mban Hamasi në këmbim për qindra të burgosur palestinezë, si dhe tërheqje të ushtrisë izraelite nga Rripi i Gazës. 

“Hamasi nuk do të ketë kurrfarë roli në menaxhimin me rripin bregdetar, ndërsa Izraelit i ndalohet edhe që të aneksojë territor. Në vend të kësaj, Rripi i Gazës do të menaxhohet nga qeveria kalimtare e teknokratëve palestinezë nën mbikëqyrje të forcës së ardhshme stabilizuese”.

Gjermania, Franca dhe Mbretëria e Bashkuar, si dhe ministrat e Punëve të Jashtme të disa shteteve arabe, duke i përfshirë Katarin, Egjiptin, Jordaninë, Emiratet e Bashkuara Arabe dhe Arabinë Saudite, gjithashtu shprehën mbështetje për planin. fc/

Foto: EPA