Varshavë, 27 shkurt 2024 (MIA) - Ministri polak i Punëve të Jashtme  Radoslav Sikorski i bëri thirrje kryetarit të Dhomës së Përfaqësuesve të SHBA-së, Majk Xhonson, të lejojë votimin për ndihmën e re amerikane për Ukrainën.

Në një fjalim para Këshillit të Atlantikut, Sikorski vuri në dukje se Xhonsoni do të jetë fajtor nëse ligji nuk miratohet ndërsa Rusia përparon në fushën e betejës.

"Prandaj, do të doja që të dijë se e gjithë bota është duke parë se çfarë do të bëjë dhe nëse ndihma shtesë nuk kalon dhe Ukraina do të pësojë trazira në fushën e betejës, do të jetë përgjegjësia e tij", deklaroi kreu i diplomacisë polake.

Xhonsoni shpërndau Dhomën e Përfaqësuesve për dy javë pa votuar më parë pakon e ndihmës prej 60 miliardë dollarësh për Ukrainën që u miratua nga Senati në fillim të këtij muaji.

"Familja e krimit të diktatorit po ndihmon dhe inkurajon pushtimin vrastar të Ukrainës nga presidenti rus Vladimir Putin", tha Sikorski, duke iu referuar ndihmës ushtarake që Irani dhe Koreja e Veriut dyshohet se ia japin Moskës.

Ai shtoi se rezultati i fitores së Rusisë në Ukrainë do të ishte prania e më shumë "dhunuesve" në skenën politike botërore, duke i bërë thirrje Majk Xhonsonit "të lejojë demokracinë të marrë rrugën e saj". qa

Foto: Arkivi i MIA-s