Jerevan, 25 shtator 2023 (MIA) - Forcat speciale të policisë armene - "beretat e kuqe" filluan të arrestojnë aktivistët e opozitës që bllokuan rrugët në qendër të Jerevanit herët në mëngjes, raportoi Tass.

Policia fillimisht paralajmëroi  protestuesit me altoparlantë se bllokimi i kryqëzimit të rrugëve Tumanjan dhe Sarian, në qendër të kryeqytetit armen, ishte i ndaluar dhe më pas arrestuan më shumë se 140 aktivistë.

"Në orën 10 (08:00 sipas kohës mesdhetare evropiane), numri i shtetasve të ndaluar arriti në 142", tha zëdhënësi i policisë. Fillimisht u raportuan 53 të arrestuar.

Aktualisht vazhdojnë aksionet protestuese në vende të ndryshme në Jerevan, lajmëroi Tass.

Gjykata në Jerevan vendosi të dënojë me një muaj paraburgim Levon, djalin e ish presidentit armen Robert Koçarjan, i cili akuzohet për dhunë ndaj policëve gjatë protestave masive në kryeqytet, shkroi avokati i tij Aleksander Koçubaev në profilin e tij në Fejsbuk.

"Levon Koçarjan është një muaj në paraburgim", shënoi avokati. sa/

foto: EPA