Frankfurt, 30 maj 2023 (MIA) - Policia e Frankfurtit njoftoi sot se një futbollist 15-vjeçar nga Berlini është hospitalizuar me lëndime në tru me rrezik për jetën, pasi u godit nga lojtari kundërshtar pas mbarimit të ndeshjes në kuadër të turneut ndërkombëtar për të rinj. 

I akuzuar për sulmin është një futbollist 16-vjeçar i ekipit francez dhe ndodhet në paraburgim në pritje të një vendimi gjyqësor.

Policia njoftoi se incidenti ndodhi pas mbarimit të garës ndërkombëtare për të rinjtë që u mbajtë të dielën në Frankfurt.

"Viktima ishte goditur me grusht në zonën e kokës ose qafës dhe ka rënë. I është dhënë ndihma emergjente mjekësore në vendin e ngjarjes, dhe më pas është dërguar në spital”, thuhet në njoftimin e policisë.

Policia kërkon ndihmë nga dëshmitarët të cilët kanë video-filmime nga incidenti. qa/shk/