Në Tiranë një amerikan ka mbytur bashkëshorten, dy qentë dhe veten me litar
- - Një ngjarje e tmerrshme e tronditi publikun shqiptar në të cilën shtetasi amerikan, Methju Uerts (55), profesor në Kolexhin Amerikan në Tiranë, e ka mbytur bashkëshortem dhe dy qentë - kanakarë, pastaj edhe veten.
- Post By Fitore Curri
- 07:53, 20 gusht, 2024
![Në Tiranë një amerikan ka mbytur bashkëshorten, dy qentë dhe veten me litar](https://new.mia.mk/images/20240820075333_big_730x400_58.webp )
Tiranë, 20 gusht 2024 (MIA) - Një ngjarje e tmerrshme e tronditi publikun shqiptar në të cilën shtetasi amerikan, Methju Uerts (55), profesor në Kolexhin Amerikan në Tiranë, e ka mbytur bashkëshortem dhe dy qentë - kanakarë, pastaj edhe veten.
"Ngjarja tragjike, e cila ngjan me një skenë nga një film horror, ka ndodhur në një banesë në lagjen 'Treshi' në Tiranë, të cilën ata e kishin marrë me qira. Është zbuluar nga drejtori i shkollës ku punonte amerikani, pasi nuk është paraqitur në punë dhe pas shumë tentativave për ta kontaktuar në telefon, ai nuk është përgjigjur. Ai ka shkuar në banesën e profesorit dhe e ka gjetur të varur dhe më pas ka njoftuar policinë", raportojnë mediat shqiptare.
Kur kishte arritur policia mendohej se ishte vetëm kufoma e profesorit, por pastaj në kërkim të provave të reja, ishte gjetur kufoma e bashkëshortes së tij Indah Lilis Sartika, me origjinë nga Indonezia, por me pasaportë amerikane.
"Amerikani 55-vjeçar pasi e kishte mbytur gruan me litar, e ka mbuluar trupin me rroba dhe mbi të i kishte lënë të dy qentë, gjithashtu të mbytur, pas çka ka varë veten", bëjnë të ditur mediat.
Një pjesë e mediave transmetojnë se i kishte lënë letër lamtumirëse babait të tij në të cilën shkruan: "Baba më fal, nuk ia dal dot. Më fal për çfarë bëra, ishte më e fortë se unë". fc/