Murinjo e dëshiron Gundoganin në Fenerbahçe
- Reprezentuesi gjerman Ilkaj Gundogan është në listën e dëshirave të menaxherit të ri të Fenerbahçes, Zhoze Murinjo, njoftojnë mediumet spanjolle dhe turke.
- Post By Besnik Shuki
- 12:59, 4 gusht, 2024
![Murinjo e dëshiron Gundoganin në Fenerbahçe](https://new.mia.mk/images/20240804125948_big_730x400_27.webp )
Stamboll, 4 gusht 2024 (MIA) - Reprezentuesi gjerman Ilkaj Gundogan është në listën e dëshirave të menaxherit të ri të Fenerbahçes, Zhoze Murinjo, njoftojnë mediumet spanjolle dhe turke.
Siç thuhet, trajneri portugez do të dëshironte në Stamboll ta sjell mesfushorin e Barcelonës, të cilin shumë e çmon, ndërsa negociatat për realizimin e këtij transferi tashmë kanë filluar.
Mediumet nuk njoftojnë sa para është i gatshëm Fenerbahçe të paguajë, por vlerësohet se vlera në treg e Gundoganit është rreth 15 milionë euro, por nuk përjashtohet mundësia që gjermani me prejardhje turke të arrijë në Bosfor si lojtar i huazuar.
Gundogan sezonin e kaluar për katalonasit ka luajtur 51 ndeshje zyrtare, me ç'rast shënoi pesë gola dhe realizoi 14 asistime. bsh/
Foto: Arkiv