Majami, 7 qershor 2023 (MIA) - Kompanitë Ejpëll dhe Adidas janë përfshirë në transferin e Lionel Mesit në Inter Majami.

Paraaprakisht u mor vesh se futbollisti 35-vjeçar është afër kalimit tek klubi i ligës amerikane MLS. Sipas Fabricio Romano, Mesi këtë vendim do ta kumtojë në orët në vijim.

Sipas "Atletik", duke iu referuar disa burimeve të afërta me bisedimet, oferta të cilën e mori Mesi përfshin pagesë nga dy partnerët më të mëdhenj komercial të ligës.

"MLS" dhe "Apple" nënshkruan marrëvehsje 10-vjeçare në vlerë prej 2,5 miliardë dollarëve këtë pranverë. Sipas kushteve të tij, ndeshjet e ligës do të transmetohen vetëm në Ejpëll TV përmes parapagimit në "MLS Season Pass". Pas zhvendosjes në Inter, Mesi do të marrë një pjesë të të ardhurave nga parapaguesit e rinj të shërbimit.

Në këmbim, Adidas i ofroi Lionel mesit një pjesë të fitimit të vet lidhur me transferin e lojtarit në klubin amerikan. Këtë vit kompania lidhi kontratë gjashtëvjeçare me MLS në vlerë prej 830 milionë dollarëve. Adidas siguron komplete për të gjitha 29 ekipet në ligë, si dhe e dizajnon topin zyrtar të ligës dhe është sponsori zyrtar për këpucët e ligës.

Në vitin 2017, Mesi dhe Adidas lidhën kontratë të përjetshme për sponsorizim të këpucëve të lojës. 

Foto: ЕPА