Baltimor, 29 mars 2024 (MIA) - Ministria amerikane e Transportit sot i ndau 60 milionë dollarë shtetit federal Merilend për ndihmë pas shembjes së urës Frensis Skot Ki pasi atë e goditi një anije e mallrave. 

Guvernatori i Merilendit Ues Mur më parë kërkoi mjete për ndihmë në "mobilizim, operacione dhe heqjen e mbeturinave".

Mur shtoi se këto mjete do t'i vendosin themelet për rimëkëmbje të shpejtë. 

Përndryshe, pas shembjes disa punëtorë ranë në ujërat e lumit Patapsko. Trupat e dy burrave, të moshës prej 35 vjet dhe 26 vjet, ishin gjetur të mërkurën, në 7,6 metra nën ujë në lumin Patapsko. 

Viktimat kishin rënë nga lartësia prej 50 metra në ujë, i cili ishte rreth -1 gradë celsius në momentin e rënies, deklaroi zëdhënësi i shërbimit zjarrfikës në Baltimor, Kevin Kartrajt.

Fatkeqësia ndodhi të martën pasi anija e mallrave "Dali" goditi një nga shtyllat e urës. fc/

Fotografia: Arkivi