Shkup, 1 gusht 2024 (MIA) - Ministria e Bujqësisë, Pylltarisë dhe Ekonomisë së Ujërave i bën thirrje publikut që të jetë veçanërisht i kujdesshëm për të parandaluar zjarret në nivel zone.

MBPEU-ja rikujton publikun që të jetë i kujdesshëm në periudhën në vijim sepse duke iu afruar periudhave kritike të sezonit të zjarreve dhe rritjes së rrezikut të zjarreve në nivel rajonal, por edhe situatës aktuale me zjarret në vend, është thelbësore që publiku të kuptojnë rrezikun dhe të ndërmarrin hapa proaktivë për të mbrojtur ekosistemet pyjore, gjegjësisht mjedisin dhe komunitetet në tërësi.

"Toka bujqësore - djegia e pakontrolluar e tokës bujqësore është rreptësishtë e ndaluar me ligj dhe përbën vepër penale. Rreziqe serioze - zjarret në nivel peizazhi kërcënojnë drejtpërdrejt jetën e njerëzve, pronën dhe mjedisin. "Pasojat juridike – shkaktimi i zjarrit në hapësirë ​​të hapur është vepër penale. Dhe për zbulim të shpejtë, publiku duhet të telefonojë në numrin 112", thekson Pres shërbimi i MBPEU-së. 

Nga Ministria japin edhe disa këshilla për siguri si: shmangia e ndezjes së zjarrit gjatë periudhave me erë të fuqishme ose mot të thatë dhe gjetja e metodave më të sigurta për pastrimin e tokës dhe asgjësimin e materialit të djegshëm.

MBPEU inkurajon të gjithë qytetarët që të jenë të informuar dhe të marrin masa parandaluese për të shmangur, siç thonë ata, shfaqjen e zjarreve në zonë.

"Gjithashtu, MBPEU rikujton publikun se nga data 15.07.2024 është vendosur ndalimi i plotë i lëvizjes në pyje. Për këtë qëllim, publiku ftohet të ndjekë dhe të bashkohet me Programin e menaxhimit të zjarrit në nivel rajonal (lfmëb.net) në të cilin Ministria është institucion partner dhe punon në mënyrë aktive për zbatimin e aktiviteteve dhe masave të përcaktuara në program me fokus mbi parandalimin dhe gatishmërinë në menaxhimin e zjarrit në nivel peizazhi. Duke punuar së bashku, ne mund të zvogëlojmë rrezikun dhe të sigurojmë sigurinë e shtëpive dhe mjedisit tonë", thuhet në njoftimin e MBPEU-së. qa/ 

Foto: arkivi i MIA-s