Majami, 23 nëntor 2024 (MIA) - Ish mesfushori i Liverpulit, Barcelonës dhe kombëtares së Argjentinës, Havier Maskerano do të emërohet trajner i Inter Majamit. Këtë e publikoi gazetari Fabricio Romano.

Maskerano në këtë moment e udhëheq kombëtaren e Argjentinës për të rinj. Sipas informatave, udhëheqësia e Inter Majamit tashmë ka arritur marrëveshje me trajnerin 40-vjeçar dhe ai od të nënshkruajë kontratë afatgjate.

Maskerano për këtë funksion është favorizuar nga ana e mega-yllit, Lionel Mesi. Ata të dy janë miq dhe ishin bashkëlojtarë në kombëtaren argjentinase dhe Barcelonë. Krahas kësaj, për klubin amerikan luajnë edhe ish bashkëlojtarët e tyre, Serhio Buskets, Zhordi Alba dhe Luis Suarez.

Maskerano në Inter vjen në vendin e trajnerit argjentinas, Herardo Martino, i cili dha dorëheqje në fillim të kësaj jave. bsh/

Foto: Arkiv