Mançester, 28 tetor 2024 (MIA) - Erik ten Hag nuk është më trajner i Mançester Junajtedit, është bërë e ditur në faqen zyrtare të skuadrës së "Old Traford".

"I jemi mirënjohës Erikut për gjithçka që ka bërë për ne dhe i urojmë gjitha të mirat në të ardhmen”, thuhet në njoftim.

Trajneri i përkohshëm i "Djajve të kuq" është ish sulmuesi i klubit, Rud van Nistelroj i cili ka qenë pjesë e stafit të Ten Hagut që nga vera.

Dje Mançester Junajtedi humbi si mysafir ndaj Uest Hemit (1:2) në ndeshjen e xhiros së 9-të të Premier ligës. Me gjithsej 11 pikë, ekipi gjendet në vendin e 14-të në kampionatin anglez dhe renditet si e 21-ta në tabelën e Ligës së Evropës.

Ten Hag ka qenë në krye të Mançester Junajtedit që nga vera e vitit 2022. Nën drejtimin e tij, skuadra luajti 128 ndeshje, regjistroi 72 fitore, barazoi 20 herë dhe pësoi humbje në 36 ndeshje.

Me Mançester Junajtedin, holandezi fitoi një herë FA Kupën (2023/24) dhe Kupën e Ligës angleze (2022/23). qa/

Foto: EPA