Shkup, 3 mars 2025 (MIA) - Grupi parlamentar i LSDM-së ka propozuar zgjidhje ligjore e cila do t'u ndihmojë punonjësve dhe kompanive, ndërsa do të sigurojë edhe të ardhura shtesë për buxhetin, tha sot në konferencën për media, deputetja e LSDM-së, Sanja Llukarevska. 

"Po përballemi me problem real - pagat në Maqedoni ende janë të ulëta, ndërsa shpenzimet për jetë vazhdimisht rriten. Punonjësit po luftojnë për të përballuar jetesën, ndërsa shumë prej tyre po mendojnë ta lëshojnë vendin në kërkim të kushteve më të mira. Nga ana tjetër, edhe punëdhënësit dëshirojnë që t'i rrisin pagat, por shpesh nuk munden për shkak të kontributeve të larta që duhet të paguajnë", theksoi Llukarevska. 

Me këtë ligj, të cilën LSDM-ja do ta paraqesë në Kuvend, siç thekson Llukarevska, punëdhënësit në sektorin privat do të mund t'i rrisin pagat punëtorëve të tyre në shumë prej 3.000 deri në 15.000 denarë, pa pasur nevojë të paguajnë kontribute për atë pjesë të shtuar.

Duke folur për atë se cilat kompani për cilët punëtorë mund të lirohen, Llukarevska sqaroi se ka të bëjë për punëtorët për të cilët kompanitë paguajnë pagë neto që nuk është më e lartë se 65.380 denarë.

"Punonjës të tillë ka rreth 400.000 të cilët mundë të marrin të ardhura më të larta pa kosto të rritura për kompanitë.

Edhe pse punëdhënësit nuk do të paguajnë kontribute për këtë rritje, siç theksoi Llukarevska, ata do të paguajnë tatimin mbi të ardhurat personale (10%), që do të thotë se në buxhetin e shtetit do të derdhen 58,5 milionë euro shtesë nga tatimi në të ardhura personale.

Sipas saj, në realitet kjo do të thotë se punonjësit marrin paga më të larta, që do të thotë standard më i lartë i jetesës, kompanitë nuk ngarkohen me kosto shtesë, gjë që i nxit të investojnë për punonjësit e tyre, ndërsa shteti merr të ardhura më të larta pa vendosur taksa të reja apo pa rritur shpenzimet buxhetore. Kjo masë është e zgjuar, e drejtë dhe e qëndrueshme. E stimulon rritjen e pagave, forcon ekonominë dhe krijon stabilitet dhe siguri për punëtorët dhe kompanitë, ka thënë Llukarevska. 

Ajo i bënë thirrje shumicës parlamentare dhe Qeverisë ta mbështesin këtë ligj. qa/ 

Foto/video LSDM