Bejrut, 6 mars 2024 (MIA) - Së shpejti pritet të fillojnë negociatat indirekte për armëpushim midis Izraelit dhe grupit të armatosur Hezbollah në Libanin jugor, njoftoi DPA, duke iu referuar mediave libaneze.

Kryeministri i përkohshëm libanez, Naxhib Mikati sot paralajmëroi se bisedimet do të fillojnë gjatë muajit të Ramazanit, i cili do të fillojë në fillim të javës së ardhshme, njoftoi agjencia libaneze e lajmeve NNA.

Autoritetet libaneze e studiojnë propozimin e të dërguarit të posaçëm të SHBA-së, Ejms Hohshtajn, këshilltar i presidentit amerikan Xho Bajden. Hohshtajn të hënën ishte në Bejrut për bisedime, që u përqëndruan në përpjekjet diplomatike për t'i dhënë fund luftës midis Hezbollahut, të mbështetur nga Irani dhe Izraeli. rq/bsh/

Foto: Arkivi i MIA-s