Londër, 25 nëntor 2024 (MIA) - Vetëm pesë muaj pasi që u ul në stolin e trajnerit, strategu 44-vjeçar Stiv Kuper mori largim nga puna nga kryesia e klubit të Premier ligës, Lester, për shkak të rezultateve të dobëta.

Vendimi i krerëve të Lesterit pasoi pas humbjes në terren vendor nga Çellsi me 1-2, që ishte humbja e tretë për Lesterin në katër ndeshjet e fundit. Në këtë periudhë Lester nën udhëheqjen e Kuperit mbeti i pamposhtur vetëm si mysafir nga Ipsviçi (1-1).

Lester për momentin është shumë afër zonës së rrezikshme së rënies, vetëm një pikë mbi të. Ndodhet në vendin e 16-të dhe deri më tani grumbulloi vetëm dy fitore dhe katër barazime në 12 ndeshje.

Sezonin e kaluar Lester siguroi kthim në Premier ligë në mënyrë dominante përmes Çempionshipit. ab/

Foto: Fejsbuk