Berlin, 18 tetor 2024 (MIA) - Kryeministri britanik, Kir Stramer arriti në Berlin për takimin me liderët e SHBA-së, Francës dhe Gjermanisë, lajmëroi DPA.

Në takimin e ashtuquajtur "Katërshja" sot pasdite pritet të bisedohet për luftën në Ukrainë dhe konfliktin në Lindjen e Afërt.

Starmer  u prit nga kancelari gjerman, Olaf Sholc gjatë arritjes së tij para se të fillojnë diskutimet.

Udhëtimi i planifikuar i Starmerit në kryeqytetin gjerman vjen pasi që Izraeli dje kumtoi se ushtarët e tij e vranë liderin e Hamasit, Jahja Sinvar, duke e shfaqur vdekjen e tij si kthesë në fushatën e shtetit hebraik kundër grupit.

Shtëpia e Bardhë konfirmoi se presidenti amerikan, Xho Bajden do të takohet me Starmerin dhe presdientin francez, Emanuel makron për të biseduar për "rrugën përpara në Ukrainë" dhe "ngjarjet në Lindjen e Afërt".

Bajden tha se vrasja e Sinvarit është "një ditë e mirë për Izraelin, për SHBA-në dhe për botën", ndërsa personat zyrtarë në Uashington shprehën optimizëm të kujdesshëm se vdekja e tij mund ta mënjanojë pengesën kyçe në negociatat për ndërprerje të zjarrit të cilat deri më tani nuk patën përparim. ab/

Foto: ЕPА