Nju Jork, 10 prill 2023 (MIA) - Programi Botëror i Ushqimit i OKB-së (WFP) njoftoi sot se i nevojiten urgjentisht 800 milionë dollarë ndihmë për Afganistanin gjatë gjashtë muajve të ardhshëm, pasi vendi po përballet me urinë më të madhe në 25 vitet e kaluara.

Që nga kthimi i talebanëve në pushtet në vitin 2021, agjencitë humanitare u kanë ofruar afganëve ushqim, arsim dhe mbështetje shëndetësore.

"Ne kemi nevojë urgjente për 800 milionë dollarë gjatë gjashtë muajve të ardhshëm për të vazhduar dhënien e ndihmës për njerëzit në nevojë në të gjithë Afganistanin." Një zi buke katastrofale po troket në derën e Afganistanit dhe nëse nuk mbahet mbështetja humanitare, qindra mijëra afganë do të kenë nevojë për ndihmë për të mbijetuar."

OKB-ja ka paralajmëruar se puna e tyre në Afganistan po pengohet nga fondet e pamjaftueshme. Për vitin 2023 janë parashikuar 249 milionë dollarë, që nuk është as një e treta e shumës nga viti 2022. ls/

Foto: EPA