Mançester, 24 nëntor 2024 (MIA) - Tre humbjet e njëpasnjëshme në Premier Ligë do të thotë se futbollistët e Mançester Sitit pas xhiros së 12-të kanë pesë pikë më pak se lideri në tabelë Liverpulli, i cili sipas trajnerit të "qytetarëve", Pep Guardiola, është favoriti më serioz për titullin.

Spanjolli pohon se nëse "të kuqtë" arrijnë të fitojnë kundër Sauthemptonit, e pastaj edhe kundër ekipit të tij në derbin e madh më 1 dhjetor, gara për titull do të përfundojë.

"Mendoj se do të jetë ashtu. Nëse Liverpulli arrinë fitore kundër nesh në derbi, do të jetë kampioni i ri i Premier Ligës, pasi në atë rast do të ketë 11 pikë më shumë", deklaroi spanjolli.

Më të vërtetë, 11 pikë më tepër para "Boksing dej" nuk do të ishte epërsi e vogël, por kjo është larg asaj se është e paaritshme dhe me siguri trajneri i Mançester Sitit vetëm dëshiron t'u bëjë presion më të madh lojtarëve të Liverpullit para derbit në "Enfild". bsh/

Foto: MIA arkiv