Mançester, 15 tetor 2024 (MIA) - Trajneri i Mançester Sitit, Pep Guardiola mund të vazhdojë kontratën me klubin edhe për një vit.

Sipas "The Telegraph", ky skenar është më i besuari edhe krahas zërave se spanjolli mund ta udhëheqë Anglinë.

Kontrata aktuale e Guardiolës me Mançester Sitin është deri në fund të qershorit të vitit 2025. Drejtuesit e "Qytetarëve" dëshirojnë të lidhin kontratë më afatgjate, por do të jenë të kënaqur nëse spanjolli nënshkruan kontratë edhe për një vit.

Guardiola është në krye të Mançester Sitit që nga korriku i vitit 2016. Së bashku me ekipin ai u bë gjashtë herë kampion i Anglisë, katër herë fitoi Kupën e Ligës angleze, tre herë Superkupën dhe dy herë Kupën FA. Ka edhe titullin e Ligës së Kampionëve, Superkupën e UEFA-s dhe Kupën e botës për klube. rq/bsh/

Foto: EPA