Paris, 26 korrik 2024 (MIA) - Me shou të veçantë në lumin Sena sonte në orën 19:30 solemnisht do të hapen Lojërat Olimpike Verore të 33-ta në Paris.

Në Lojërat do të performojnë 10.500 sportistë nga 206 shtete, të cilët do të garojnë në 32 sporte, ndërsa për herë të parë në histori do të ndahen dekorata olimpike në brejksens.

Lojërat zyrtarisht do t'i hapë presidenti francez Emanuel Makron, ndërsa në ceremoninë solemne është paralajmëruar prani e rreth 120 shefave të shteteve dhe qeverive dhe funksionarë të tjerë, në mesin e të cilëve edhe kancelari gjerman Ollaf Shollc dhe zonja e parë e SHBA-së Xhill Bajden. Sipas gazetës "Parizien", presidenti ukrainas Volodomir Zelenski nuk do të jetë në Paris. 

Deri më tani nuk dihet se kush do ta ndezë zjarrin olimpik, por sipas mediave ky nder do t'i ndahet sportistes franceze dhe kampiones së trefishtë olimpike Mari Zhoze Perek ose yllit të futbollit botëror Zinedin Zidan.

Festimet do të përfshijnë shfaqje muzikore dhe kërcimi, si dhe një shfaqje me dritë me 400 kërcimtarë dhe 3.000 artistë.

Programi olimpik zyrtarisht filloi të mërkurën, ndërsa Lojërat në Paris do të zgjasin deri më 11 gusht. fc/

Fotografia: KOM