Fillon sezoni i ri në La Liga
- Sezoni i ri në garën më të fortë të futbollit spanjoll La liga fillon sonte me duelin nga ora 19 ndërmjet Atletiko Bilbao dhe Hetafe.
![Fillon sezoni i ri në La Liga](https://new.mia.mk/images/20240815175441_big_730x400_59.webp )
Madrid, 15 gusht 2024 (MIA) – Sezoni i ri në garën më të fortë të futbollit spanjoll La liga fillon sonte me duelin nga ora 19 ndërmjet Atletiko Bilbao dhe Hetafe.
Bilbao përfundoi në vendin e pestë sezonin e kaluar dhe fitoi Kupën e Spanjës, duke siguruar një vend në fazën e grupeve të Ligës së Evropës, ndërsa Getafe ishte i 12-ti në tabelë.
Në ndeshjen e dytë të xhiros së parë, nga ora 21:30, Real Betis është mysafir në Girona, një nga surprizat e sezonit të kaluar, pasi me vendin e tretë siguroi kualifikimin direkt në ligën e kampionëve.
La Liga vazhdon të premten, kur në plan janë duelet mes Selta Vigos dhe Alaves (19:00) dhe Las Palmas dhe Sevilla (21:30).
Osasuna dhe Leganes do t'i hapin ndeshjet e së shtunës nga ora 19:00, e më pas derbi i madh ndërmjet Valencias dhe Barcelonës nga ora 21:30.
Të dielën, Real Sociedad pret Rajo Vallecanon nga ora 19:00, dhe Real Madrid nga ora 21:30 fillon mbrojtjen e titullit kundër Majorkas.
Raundi hapës do të kompletohet të hënën me ndeshjet Valladolid – Espanjol (19:00) dhe Villarreal – Atletikë Madrid (21:30). ls/