Uashington, 16 prill 2024 (MIA) - Majk Xhonson, kryetar i Dhomës përfaqësuese të Kongresit amerikan, gjatë kësaj jave do të thërrasë votim të veçantë për ndihmën e re për Izraelin dhe Ukrainën. Më parë draft- ligji parashikonte një votim të vetëm për këtë ndihmë ushtarake ndërkombëtare, por kjo ishte pengesë në harmonizimin e saj.

Vendimi i kryeparlamentarit për të votuar çështjen e ndihmës për Ukrainën rrit gjasat për të dalë nga udhëkryqi në të cilin u gjet Kongresi që nga tetori i vitit të kaluar, kur presidenti Xho Bajden kërkoi ndihmë urgjente për mbrojtjen e Kievit nga invazioni rus.

Ndihma për Izraelin, Ukrainën dhe Tajvanin do të ndahet në katër draft-ligje të veçanta "dhe kjo mund të ndodhë që në fillim të kësaj jave", deklaroi Xhonsoni mbrëmë. Kjo ndodhë pothuajse dy muaj pasi Senati votoi për projekt- ligjin fillestar që përfshinte tre vendet në një zgjidhje.

Duke pritur takim me kolegët republikanë, kryeparlamentari tha mbrëmë se dhoma e ulët do të shqyrtojë katër draft- ligje tre prej të cilave janë ndihmë për tre vendet dhe i katërti për sigurinë kombëtare të SHBA-së.

"E dimë se bota po na sheh për të parë se si reagojmë. Njerëzit po shikojnë për atë nëse Amerika mund të mbrojë aleatët e saj, duke mbrojtur interesat e saj në mbarë botën. Dhe ne do ta bëjmë këtë", deklaroi ai.

Ndikimi i Xhonsonit mbi shumicën e thyer republikane është përforcuar më shumë duke iu falënderuar kandidatit republikan për president Donald Tramp i cili në një fjalimin e fundjavës në resortin e tij Mar-a-Lago në Palm biç të Floridës shprehu mbështetjen për idenë e spikerit.