Burime diplomatike greke: Maqedonia e Veriut kishte kohë të mjaftueshme për ndryshimin e pasaportave, nuk ka kërkesë për vazhdimin e afatit
- - Është jashtëzakonisht e vështirë për Greqinë të pranojë se në periudhë prej pesë vjetëve nuk pati mundësi për ndryshimin e pasaportave, njoftojnë burimet diplomatike greke në lidhje me dhënien e dokumenteve të reja te ne dhe shtojnë se Shkupi nuk ka kontaktuar me Athinën për vazhdimin eventual të afatit, informon korrespondentja e MIA-s nga Athina.
- Post By Fitore Curri
- 13:31, 1 shkurt, 2024
![Burime diplomatike greke: Maqedonia e Veriut kishte kohë të mjaftueshme për ndryshimin e pasaportave, nuk ka kërkesë për vazhdimin e afatit](https://new.mia.mk/images/20240201133127_big_730x400_45.webp )
Athinë, 1 shkurt 2024 (MIA) - Është jashtëzakonisht e vështirë për Greqinë të pranojë se në periudhë prej pesë vjetëve nuk pati mundësi për ndryshimin e pasaportave, njoftojnë burimet diplomatike greke në lidhje me dhënien e dokumenteve të reja te ne dhe shtojnë se Shkupi nuk ka kontaktuar me Athinën për vazhdimin eventual të afatit, informon korrespondentja e MIA-s nga Athina.
Burimet qeveritare nga Greqia sqarojnë se 12 shkurti është data përfundimtare për rregullimin e dokumenteve, veçanërisht të pasaportave dhe targave të veturave është afati kohor prej para pesë viteve, ndërsa Athina zyrtare pret zbatim të plotë.
Në pyetjen e korrespondentes së MIA-s nga Athina nëse ka ekzistuar komunikim dhe kërkesë nga Maqedonia e Veriut deri te Greqia për vazhdimin eventual të afatit, burimet diplomatike greke përgigjen negativisht.
Lidhur me tre memorandumet me Maqedoninë e Veriut, burimet e njëjta sqarojnë se kanë lidhje edhe me respektimin e Marrëveshjes së Prespës dhe si ajo zbatohet, ndërsa në Parlament për ratifikimin do të miratohen në kohë adekuate të cilën do ta vendosë Qeveria greke.
Burimet e njëjta potencojnë se Athina insiston në respektim dinjitoz dhe të reptë të Marrëveshjes së Prespës. fc/
Fotografia: Arkivi i MIA-s