Amsterdam, 6 shtator 2024 (MIA) - Sulmuesi Stiven Berguajn i është kundërpërgjigjur trajnerit të kombëtares holandeze Ronald Kuman, i cili ia ka mbyllur derën e kombëtares për shkak të transferimit të tij në Arabinë Saudite.

Berguajn, 26 vjeç, u akuzua nga Koman se i mungonte "ambicia sportive" pasi u largua nga Ajaksi për t'u bashkuar me Al-Itihad të hënën dhe tha se nuk do të thirrej në ekipin kombëtar.

Berguajn, i cili ka luajtur për kombëtaren e Holandës që nga viti 2018 dhe ka qenë pjesë e skuadrës së Kampionatit evropian gjatë verës, i ka dëgjuar komentet e Kuman të bëra në një konferencë televizive për shtyp të martën dhe nuk e fshehu lëndimin e tij prej tyre.

"Futbollistët nuk duhet të trajtohen kështu. E kam konsideruar gjithmonë nder të luaj për kombëtaren holandeze, por nuk dua më nën këtë trajner. Përfundova me dikë që qëllimisht më përshkruan kështu para mediave", ka thënë futbollisti për gazetën holandeze "De Telegraf". mb/

Foto: MIA