Xheda, 18 janar 2024 (MIA) - Avokati i lojtarit sulmues të ekipit Al-Ihtihad, Karim Benzema, Hjug Vizhe, kumtoi se lojtari ka marrë kërcënime në Arabinë Saudite pasi që ministri francez i Punëve të Brendshme, Zherald Darmanin deklaroi se sulmuesi ka pasur lidhje me një organizatë terroriste.

"Komentet e ministrit kanë pasoja serioze. Lojtari merr kërcënime në Arabinë Saudite, ku punon", thotë Vizhe në intervistë për "RMC Sport".

Më 15 tetor Benzema e mbështeti Palestinën në konfliktin me Izraelin. Ai në rrjetet sociale shkroi: "Lutemi për njerëzit në Gazë".

Më 19 tetor, Ministria franceze e Punëve të Brendshme ceki katër shenja për lidhshmëri të Benzemas me një organizatë terroriste: refuzim të këndojë himnin kombëtar me reprezentacionin francez, prozelitizëm në rrjetet sociale rreth adhurimit mysliman, fotografinl me imamin Mo dhe mbështetje për qëndrimet e Habib Nurmagomedovit.

Gjithashtu, ministri francez i Punëve të Brendshme, Zherald Darmanin deklaroi drejtpërdrejtë se Benzema ka lidhje me Vëllazërinë myslimane (lëvizja është ndaluar në Federatën ruse si terroriste).

Benzema (36) luan për ekipin Al-Ihtihad nga korriku i vitit 2023. Këtë sezon luajti 20 ndeshje për klubin saudit, shënoi 12 gola dhe ishte krijues i pesë asistimeve. ab/

Фото: ЕПА