Shkup, 28 maj 2024 (MIA) - Kapiteni i kombëtares së Maqedonisë së Veriut në futboll, Enis Bardhi, për shkak të lëndimit të marrë në ndeshjen e fundit për klubin e tij Trabzonspor, nuk është në mundësi të luajë në ndeshjet kundër Kroacisë dhe Çekisë.

Ndrydhja e ligamenteve të kyçit të shpatullës së djathtë është lëndimi i marrë në ndeshjen e xhiros së fundit në kampionatin turk, që e pengon lojtarin të jetë pjesë e përgatitjeve dhe ndeshjeve kontrolluese që vijojnë.

"Bardhi tashmë ka filluar rehabilitimin, por fatkeqësisht nuk mund të jetë pjesë e skuadrës së Maqedonisë së Veriut për ndeshjet e 3 qershorit në Rijekë kundër Kroacisë dhe më 10 qershor kundër Çekisë në Hradec Kralove", kumtoi FFM-ja.

Përzgjedhësi Bllagoja Milevski nuk planifikon të thërrasë futbollist shtesë si zëvendësim për Enis Bardhin. ls/

Foto: MIA