Mançester, 20 qershor 2023 (MIA) – Reprezentacioni i Maqedonisë së Veriut në futboll mbrëmë ka pësuar humbjen më të thellë në historinë e saj në ndeshjen në Mançester nga përfaqësuesja angleze. Dueli nga kualifikimet për Euro 2024 në “Old Traford” ka përfunduar me rezultat 7:0 për nikoqirët.

Të përzgjedhurit e seleksionuesit Bllagoja Milevski ishin të pafuqishëm në çdo pjesë të terrenit. Anglezët e nisën “goleadën” në minutën e 29-të kur Hari Kejn e hapi rezultatin. Deri në fund të pjesës së parë në listën e golashënuesve u regjistruan edhe Bukajo Saka dhe Markus Rashford.

Për vetëm gjashtë minuta në pjesën e dytë, Saka shënoi edhe dy herë të tjera duke dhuruar het trik. Filips në minutën e 64-të dhe Kejn me golin e dytë në minutën e 73-të nga penaltia e rritën epërsinë në 7:0. Në ndeshjen e djeshme të parë të grupit C, Ukraina mposhti Maltën me rezultat 1:0.

Anglia është e para në tabelë me 12 pikë maksimale nga katër ndeshje. Ukraina është e dyta me gjashtë pikë nga tre ndeshje, ndërkaq Italia është e treta me tre pikë nga dy takime. Pas dy humbjeve në qershor, reprezentacioni i Maqedonisë ka rënë në pozitën e katërt me tre pikë nga tri ndeshje. Malta është e fundit pa pikë të fituara pas katër xhirove.

Foto: EPA