Мадрид, 4 јануари 2025 (МИА) - Фудбалерот од средниот ред на Реал Мадрид, Лука Модриќ синоќа постигна гол на натпреварот од 12. коло на шпанското првенство против Валенсија (2:1). Тој стана најстариот голгетер во историјата на клубот.

Во моментов Хрватот има 39 години и 116 дена. Тој го собори рекордот на Ференц Пушкаш, кој постигна гол за Реал Мадрид во 1966 година на 39 години и 15 дена.

Воедно, Модриќ влезе во првите десет играчи според одиграните натпревари за шпанскиот фудбалски великан.

Презакажаниот натпревар од 12. коло на Ла Лига против Валенсија стана 561. настап на играчот од средниот ред.

Реал Мадрид освои 43 бода и се искачи на првото место во поредокот во Ла Лига. зс/

Фото: ЕПА