Вулверхемптон, 26 декември 2024 (МИА) - Продолжуваат тешките денови за Рубен Аморим во Манчестер Јунајтед. Доживеа нов пораз, овојпат од Вулверхемптон.

„Црвените ѓаволи“ го доживеаја третиот последователен пораз во сите натпреварувања, а втор без постигнат гол.

– Натпреварот може да се подели на два дела. Различно, бидејќи речиси цело второ полувреме го одигравме со играч помалку. И повторно имавме многу шанси, дури и со 10 играчи. Бевме блиску до гол. Но, повторно прекинот ја промени играта и ја отежна - изјави Аморим.

Сомена прекин, откако се случи Јунајтед да го прими вториот гол од корнер за една недела.

– Истиот гол против Тотенхем минатата недела. Мислам дека Онана не е крив, бидејќи не можеше да оди на топка, имаше играч напред и позади, го правдаше Аморим голманот.

Маркус Рашфорд повторно не играше, а Португалецот истакна дека го прави „само она што мисли дека е најдобро за тимот“. дс

Фото: Архива