Islamabad, 5 shkurt 2026 (MIA) - Të paktën 216 militantë janë vrarë në provincën pakistaneze Beluxhistan, kumtoi sot ushtria pakistaneze. Operacioni thuhet se ka përfunduar.

Policia pakistaneze të mërkurën kumtoi se të paktën 58 persona janë vrarë në përleshjet, përfshirë oficerë policie dhe civilë.

Sulmet filluan të shtunën me sulme të koordinuara nga Ushtria Çlirimtare e Beluxhistanit (BLA) në shkolla, banka, tregje dhe instalime sigurie në të gjithë provincën.

Ndërkohë, Këshilli i Sigurimit i OKB-së e dënoi valën e fundit të sulmeve militante në Pakistanin jugperëndimor.

Në një deklaratë nga kryetari i Këshillit të Sigurimit të OKB-së, Xhejms Kariuki, anëtarët e Këshillit "dënojnë fuqimisht sulmet terroriste të shëmtuara dhe frikacake" dhe shprehën ngushëllimet e tyre për familjet e viktimave, qeverinë dhe popullin e Pakistanit. ls/

Foto: Arkivi i EPA-s