Oбичаи и верувања
- Положување Појас на Пресвета Богородица Чудотворниот Појас на Пресвета Богородица Поради чудото што се случило кога овој појас на Пресвета Богородица ја излекувал царицата Зоја, сопругата
![Oбичаи и верувања](https://new.mia.mk/index.php/images/20221104194827_big_730x400_49.webp )
13 септември 2020
Положување Појас на Пресвета Богородица
Чудотворниот Појас на Пресвета Богородица
Поради чудото што се случило кога овој појас на Пресвета Богородица ја излекувал царицата Зоја, сопругата на царот Лаф Филозоф, определен е овој празник, кој нашол место и во нашата традиција.
Празникот Положување појас на Пресвета Богородица или Богородичин појас се празнува во спомен на денот кога Богородица прв пат се опашала. Меѓу облеката останата од Пресвета Богородица бил и нејзиниот појас, кој бил предаван од поколение на поколение меѓу верниците. Во V век Појасот бил пренесен од Ерусалим во Цариград и бил положен во скапоцен ковчег во црквата „Св. Богородица“. Во X век се случило чудо во врска со овој појас кога се излекувала царицата Зоја, сопругата на царот Лаф Филозоф. Имено, таа во сонот имала видение дека ќе оздрави од тешката болест, ако врз неа биде положен појасот на Пресвета Богородица. Тоа било и направено, појасот врз неа го положил самиот патријарх по што таа веднаш оздравела. Потоа појасот пак со многу внимание бил положен во истиот ковчег. За спомен на ова чудо во врска со оздравувањето на болната царица во X век е востановен овој празник.
Меѓу нашиот народ овој ден се смета за празник но тогаш сите работеле. Пред изгрејсонце болните деца ги провирале низ Богородичниот појас што се чувал во црквата. Ова провирање го правеле под калинка. (Подготви Марко Китевски)