Азербејџан загуби 192 војници во операцијата во Нагорно Карабах
- Азербејџан загуби 192 војници за време на минатонеделната воена операција за враќање на контролата врз регионот Нагорно-Карабах, соопшти денеска Министерството за здравство.
![Азербејџан загуби 192 војници во операцијата во Нагорно Карабах](https://new.mia.mk/index.php/images/20230927113846_big_730x400_10.webp )
Баку, 27 септември 2023 (МИА) - Азербејџан загуби 192 војници за време на минатонеделната воена операција за враќање на контролата врз регионот Нагорно-Карабах, соопшти денеска Министерството за здравство.
Ерменците во Нагорно-Карабах, територија меѓународно призната како дел од Азербејџан, беа принудени на прекин на огнот по 24-часовна воена операција на многу поголемата азербејџанска армија.
По операцијата, раководството на 120.000 Ерменци кои живеат во Карабах соопшти дека не сакаат да живеат под Азербејџан и дека ќе одат во Ерменија, бидејќи се плашат од прогон и етничко чистење.
Нагорно Карабах се наоѓа во област која со векови била под влијание на Персијците, Турците, Русите, Османлиите и Советите.
Азербејџан и Ерменија го сметаат за своја област по падот на Руската империја во 1917 година.
Во советско време, тој беше прогласен за автономен регион во рамките на Азербејџан.
По распадот на Советскиот Сојуз, Ерменците таму ја соборија номиналната азербејџанска контрола и ја окупираа соседната територија во она што сега е познато како Прва карабашка војна.
Од 1988 до 1994 година беа убиени околу 30.000 луѓе, а повеќе од еден милион луѓе беа раселени, главно Азербејџанци. паг/
Фото: МИА архива