„Чувари“ триумфираше со 10 „Еми“ награди
- Серијата „Наследници“ (Succession), исто така - во продукција на Ејч-би-о, е најдобра драма, а пак, канадскиот хит „Потокот на Шит" (Schitt's Creek) ги собра наградите во категоријата комедиј
![„Чувари“ триумфираше со 10 „Еми“ награди](https://new.mia.mk/index.php/images/20221104202623_big_730x400_91.webp )
Лос Анџелес, 21 септември 2020 (МИА) - Телевизиската серија „Чувари“ (Watchmen), вчера освои 10 награди „Еми“, меѓу кои и оние за најдобра куса серија, главна женска, споредна машка улога и сценарио.
Свеченоста на доделувањето се одржа во празната сала на Лос Анџелес театарот. Серијата „Наследници“ (Succession), исто така - во продукција на Ејч-би-о, е најдобра драма, а пак, канадскиот хит „Потокот на Шит" (Schitt's Creek) ги собра наградите во категоријата комедија.
Авторите на „Чувари“ го посветија триумфот на афроамериканските жртви и на 99-годишнината од колежот во Тулса 1921 година.
Серијата што дебитираше минатата година, раскажува за белиот шовинизам, полициската бруталност и контроверзиите околу носењето маски - теми актуелни во јавните дебати во САД каде што во ноември се одржуваат претседателски избори. си/сд/