Џејда Пинкет Смит призна дека била со друг маж
- Патем, Алсина му бил другар на нивниот син. Сѐ тоа изненади многумина од обожавателите на парот, бидејќи нивната врска долго време важеше за една од најстабилните и најомилените во Холивуд.
![Џејда Пинкет Смит призна дека била со друг маж](https://new.mia.mk/index.php/images/20221104155735_big_730x400_49.webp )
Лос Анџелес, 24 јули 2020 (МИА) - Сопругата на глумецот Вил Смит - Џејда Пинкет Смит одлучи јавно да ги оконча гласините за нејзиниот брак... ТВ-водителката и поренешна глумица во интернет-емисијата „Црвена маса“, чијашто домаќинка е самата таа, призна дека била со друг маж.
Пејачот Август Алсина неодамна на интернет се пофали за неговата авантура со сопругата на Вил Смит, која инаку, е 21 година постара од него. Патем, Алсина му бил другар на нивниот син. Сѐ тоа изненади многумина од обожавателите на парот, бидејќи нивната врска долго време важеше за една од најстабилните и најомилените во Холивуд.
Уште повеќе, момчето тврди дека Вил знаел и „ѝ дал благослов“ за тоа на неговата сопруга.
Џејда како одговор на сѐ ова, јавно призна во етерот, дека навистина имала куса врска вон бракот пред четири години.
Се покажа дека во 2015 година, бракот на Смитови „висел во воздух“ и парот решил привремено да се раздели. Тогаш, односно дури по прекинот, Џејда почнала куса врска со младиот пејач. Сопругата на Смит признава дека тогаш барала среќа надвор од бракот, но на крајот сфатила дека сака да се врати кај нејзиниот сопруг. си/
![](/articles/images/e-da-pinket-smit-prizna-deka-bila-so-drug-mazh/y5lRkTGq2/placeholder.webp?use_watermark=0)