Џерард ја презема тренерската функција во Астон вила
Бирмингем, 11 ноември 2021 (МИА) - Стивен Џерард денес стана главен тренер на Астон вила. Деталите од договорот не беа прецизирани. Претходно се дозна дека договорот на 41-годишниот специјалист со клубот од Бирмингем ќе трае 2,5 години.
Беше објавено и дека Џерард ќе стане најплатениот тренер во историјата на Астон вила.
Од 2017 до 2018 година тренерот работеше со У19 тимот на Ливерпул.
Во 2018 година ги предводеше Ренџерс и стана шампион на Шкотска со тимот во сезоната 2020/21.
По 11 кола во Премиер лигата Астон вила е на 16. место со 10 бодови. зс/
