Торино, 1 април 2024 (МИА) - Јувентус може да го продаде играчот од средниот ред Мануел Локатели, пренесува „Tuttojuve“.

Раководството на торинскиот тим ќе се раздели со играчот доколку тој не ја подобри својата игра. За играчот конкурираат Баерн и неколку екипи од Англија.

Оваа сезона 26-годишниот Локатели одигра 31 натпревар, постигна еден гол и пет асистенции. 

Договорот на Италијанецот со Јувентус е до крајот на јуни 2028 година. Порталот „Трансфермаркт“ ја проценува вредноста на играчот од средниот ред на 33 милиони евра.

По 30 кола во Серија А, Јувентус е на третото место со 59 бодови. зс/

Фото: ЕПА