Јувентус подготвен да започне преговори со Влаховиќ
- Спортскиот директор на Јувентус, Кристијано Џунтоли, наскоро ќе се сретне со агентот на Душан Влаховиќ за да разговара за идното продолжување на договорот со српскиот напаѓач и да избегне повторување на ситуацијата што доведе до разделба на Федерико Киеза ова лето, според италијанскиот весник „Газета дело Спорт“ и „Тутоспорт“.
![Јувентус подготвен да започне преговори со Влаховиќ](https://new.mia.mk/index.php/images/20240904183127_big_730x400_77.webp )
Торино, 4 септември 2024 (МИА) - Спортскиот директор на Јувентус, Кристијано Џунтоли, наскоро ќе се сретне со агентот на Душан Влаховиќ за да разговара за идното продолжување на договорот со српскиот напаѓач и да избегне повторување на ситуацијата што доведе до разделба на Федерико Киеза ова лето, според италијанскиот весник „Газета дело Спорт“ и „Тутоспорт“.
Јувентус планира да му понуди нов договор на Влаховиќ, а Џунтоли ќе започне прелиминарни преговори со претставникот на играчот Дарко Ристиќ од крајот на септември. Актуелниот договор на фудбалерот со гигантот од Торино истекува во јуни 2026 година, а неговата плата наскоро ќе порасне на 12 милиони евра по сезона, вклучувајќи ги и бонусите, иако клубот мора да ги намали трошоците.
Тешко дека преговорите ќе бидат лесни, бидејќи раководството на „Старата дама“ има намера да понуди намалување на финансискиот надомест на Србинот, но подолг договор и бонуси.
Сепак, Влаховиќ е среќен во клубот и одржува добри односи со тренерот Тиаго Мота, па „црно-белите“ се уверени дека напаѓачот ќе ја слушне понудата.
Што се однесува до Киеза, Јувентус започна прелиминарни разговори со него во текот на летото, но никогаш не упати официјална понуда до Италијанецот бидејќи тој не беше подготвен да преземе намалување на платата. дс
Фото: Архива