Торино, 19 јануари 2022 (МИА) - Извршниот директор на Јувентус, Маурицио Аривабене изјави дека клубот не може да си дозволи да го ангажира напаѓачот на Манчестер јунајтед, Антони Марсијал. - Со оглед на сегашните услови - цената на позајмицата и обврската целосно да се исплати платата на Марсијал - не можеме да си дозволиме таков договор. Немаме напредок во преговорите, а не очекуваме Манчестер јунајтед да ни даде никаков попуст, изјави Аривабене. Во сезоната 2021/22, Марсијал учествуваше на 10 натпревари за Манчестер јунајтед и постигна еден гол. Вчера, 18 јануари, беше објавено дека Јувентус разговарал со претставници на 26-годишниот Французин за евентуален ангажман. зс/