Јубилејна 200-та победа на Гвардиола на клупата на Манчестер сити
- Шпанскиот фудбалски тренер Пеп Гвардиола ја запиша вечерва својата јубилејна 200-та победа на клупата на Манчестер сити, откако премиерлигашот обезбеди пласман во четвртфиналето на англискиот
![Јубилејна 200-та победа на Гвардиола на клупата на Манчестер сити](https://new.mia.mk/index.php/images/20221105202117_big_730x400_69.webp )
Свонси, 10 февруари 2021 (МИА) – Шпанскиот фудбалски тренер Пеп Гвардиола ја запиша вечерва својата јубилејна 200-та победа на клупата на Манчестер сити, откако премиерлигашот обезбеди пласман во четвртфиналето на англискиот ФА куп со гостински триумф над второлигашот Свонси со 3:1.
Екипата предводена од 50-годишниот Гвардиола веќе на почетокот на вториот дел обезбеди сигурна предност на гостувањето во Свонси со головите на Кајл Вокер (30), Рахим Стерлинг (47) и Габриел Жезус (50). Ддомаќините до крајот на натпреварот постигнаа почесен гол преку Морган Вајтекер во 77 минута.
Гвардиола седна на клупата на Манчестер сити во 2016 година и на 268 натпревари досега има ефект од 200 победи, 37 порази и 31 нерешени натпревари.
За Манчестер сити ова беше 15 последователна победа во сите натпреварувања, што е најдолга серија во англискиот фудбал на клуб од Премиерлигата.
Манчестер сити, исто така, е во серија од 22 натпревари без пораз. Последен пат избраниците на Гвардиола загубија во ноември минатата година од Тотенхем со 2:0. ег/