Скопје, 2 август 2021 (МИА) - ЈП „Водовод и канализација“ - Скопје во координација со Град Скопје испраќаат шест цистерни, со цел да се помогне во гасењето на пожарот што попладнево го зафати Кочани. -Со заедничка едногласна одлука ја испраќаме оваа помош кон Кочани и кочанчани, со надеж за побрзо стопирање на огнената стихија. Солидарноста на нашиот град и нашите претпријатија секогаш ќе биде на располагање онаму каде што таа е потребна, соопшти Душко Весковски, директор на ЈП „Водовод и канализација“ - Скопје. ки/ац/