Јорданов: По 10 часот ја очекуваме поддршката од воздух за пожарите во штипскиот дел на Серта
- По 10 часот се очекува да пристигнат „ер тракторите“ во штипскиот дел на планината Серта, информира денеска за МИА градоначалникот на Општина Штип, Иван Јорданов.
![Јорданов: По 10 часот ја очекуваме поддршката од воздух за пожарите во штипскиот дел на Серта](https://new.mia.mk/index.php/images/20240717095930_big_730x400_4.webp )
Штип, 17 јули 2024 (МИА) - По 10 часот се очекува да пристигнат „ер тракторите“ во штипскиот дел на планината Серта, информира денеска за МИА градоначалникот на Општина Штип, Иван Јорданов.
Тој посочува дека од синоќа се прават и базени покрај реката Брегалница, кај штипското село Софилири. Ова било договорено во текот на вчерашниот ден и побарано од Центарот за управување со кризи.
Пожарникарите, припадниците на Армијата и полицијата се на терен и интервенираат од земја. Активни се пожари на две локации, над селата Драгоево и Селце и на ридот Штракалево кон полигонот Пенуш, каде месното население има забрана за движење во оваа зона бидејќи има неиспукана муниција. вдј/мд/
Фото: МИА