Анкара, 2 јули 2024 (МИА) - Турскиот министер за внатрешни работи Али Јерликаја изјави дека 67 лица се уапсени по немирите кои избија во градот Кајсери, откако Сириец малтретирал петгодишно девојче, кое му било роднина.

Немирите кои започнаа во неделата, кога поголема група луѓе се собраа во населбата Меликгази во Кајсери, откако странски државјанин, Сириец, малтретирал петгодишно девојче и запалил возила на странски државјани, јавуваат турските медиуми.

Во инцидентите повредени се 10 полицајци.

Јерликаја на платформата Х изјави дека граѓани фатиле сириски државјанин и го предале на безбедносните сили, откако малтретирал дете. Насобраните потоа нападнаа продавници во сопственост на Сиријци, како и домови на поединци.

„Подоцна, нашите граѓани се собраа и делуваа незаконски, на начин што не е во согласност со човечките вредности, оштетувајќи ги домовите, работните места и возилата на сириските граѓани“, рече турскиот министер. паг/

Фото: МИА архива